Enter the Dragon star John Saxon a thi

Enter the Dragon avanga hriat hlawh John Saxon chu nimin tlai khan kum 83 mi niin a thi a, Murfreesboro, Tennessee-a an inah Saxon hi pneumonia natna vangin a thi a ni. 

John Saxon-a nupui leh actor lar ni bawk Gloria Martel chuan a pasal thih thu hi The Hollywood Reporter kaltlangin a puang a, Saxon hian film 200 chuang a chang hman. A Nightmare on Elm Street pawh lo larpui tawhtu Saxon hi kum 1935 khan Carmine Orrico hming puin Brooklyn, New York-ah a piang a, a graduate hnuah lemchan lam luhchilh tumin acting coach lar Stella Adler hnuaiah a inzir. 

Adler-a hnuaia a inzir hnuah Universal Studios chuan contract ziahpuiin a hming chu John Saxon tia thlak tura an tih angin a thlak zui - judo leh karate thiam a nihna chu a acting career-ah a chhawr ṭangkai hle.