Lopez leh Alex-te'n Puerto Rico tan sum an thawkchhuak hnem

Hurricane Maria-in a nuai avanga Puerto Rico-a chhiat tawkte ṭanpuina turin, Jennifer Lopez leh a kawppui Alex Rodriguez-te chuan charity concert an buatsaih a, $mtd 35 vel an hmuchhuak.

Puerto Rico-a chhiat tawkte ṭan­puina tura concert buatsaihah hian Lopez-i pasal hlui Marc Anthony pawh a phusa pawl a ni a, tuna a kawppui Alex Rodriguez-te nen an thawk ho a ni awm e. Ṭanpuina tur sum hi $mtd 35 zet an hmuchhuak a, hengte hi vanduaina tawkte ṭanpui nan hman vek a ni ang.

Puerto Rico mipuite tan milarte an che chhuak nasa a, sum leh pai ṭhahnem takin an vur a ni ber. Jennifer Lopez bakah hian, Luis Fonsi, Demi Lovato, Maroon 5, Stevie Wonder leh Gwen Stefani-te pawh an che chhuak a, donation bakah anmahni sum leh paite pawh an thehchhuak a ni.

Jennifer Lopez leh baseball star hlui Alex Rodriguez-te hi an inzui ngawrh chho viau a ni awm a, chen dunte pawh an rilruk tawh niin khawthlang media-te chuan an tarlang. An chen dunna tur in lei a, sumdawnna buaipui an tum nia tarlan a ni.