India Fashion Week-ah Arunachal tlanglawn mi Jamsenpa inlan
India Fashion Week 2017 chu October 11-15 chhung khan New Delhi-ah neih a ni a, he hunah hian Arunachal Pradesh mi, mountaineer Anshu Jamsenpa chu a inlan.
Anshu Jamsenpa hi sari nen a inlan a, a thawmhnaw inbel hi plastic hmanga siam a ni thung. Jamsenpa chuan, "India Fashion Week-a ka inlan ve thei hi ka lawm takzet a, he hun duhawm tak hi ka hrereng tawh dawn a ni" a ti. Jamsenpa hian hmanni deuh khan a ṭum ngana atan Mt. Everest a lawn chhuak leh a, khawvela tlangsang ber hi ni nga lek chhungin ṭum hnih a lawn chhuak a ni. Kum 37 mi hi hmeichhe zinga ni nga chhunga Mt. Everest vawi hnih lawn chhuak thei pahnihna chiah a ni. Jamsenpa-i hlawhtlinna hi PM Modi pawhin a lo lawmpui tawh a, hmaichhanah inkawmna hun an lo nei tawh bawk.
India Fashion Week 2017 hi Fashion Design Council of India (FDCI)-te'n, Amazon leh NEXA thawhpuia an buatsaih a ni.