BTS-in World Record thar siam

K-pop band BTS chuan Guinness World Record thar an siam a, live stream-a music concert entu ngah ber record an siam.

June 14 khan live stream-in BTS hian 'Bang Bang Con: The Live' concert an buatsaih a, ram hrang hrang 100 chuang aṭangin entu mi 756,000 an awm a ni. Seoul aṭangin live concert hi an pe chhuak a, an kum sarih tlin lawmna ni pahfawma an buatsaih a ni a, hla 12 an sa a ni.

BTS hian Guinness World Record panga an siam ta chiah a, K-pop zinga US album chart-a pakhatna hauh thei hmasa ber record, South Korea zingah album hralh hnem ber leh twitter-a huhang nghah ber record-te pawh an lo siam tawh bawk. Nikum March thla khan twitter-ah hashtag #TwitterBestFandom tih chu vawi 60,055,339 tweet a ni a, darkar 24 chhungin hashtag nei tam thei ber an ni. Hei bakah hian TikTok-ah follower maktaduai nei rang ber record an lo siam tawh bawk.