Seraphic Choir hla thar 'Kan leng za tawh ang'

Ṭhazual chart-ah pawh No.1 lo ni zak zak tawh Seraphic Choir chuan music video thar 'Kan leng za tawh ang' an tichhuak.

'Kan leng za tawh ang' hi August 14, 2015-a boral ta H Zothanmawia hriatrengna atana a nupui Parteii phuah a ni a, Seraphic Choir manager Lalchhandama chuan a thluk hi a siam thung. HC Recording Studio, Venghnuaiah recording an ti a, video hi Mawitea Hauchhum (RDS Shots) kutchhuak a ni bawk. Nimin khan an music video hi H Zothanmawia (L)-te inah Chhinga Veng pastor PB Mankima chuan a tlangzarh a ni.

'Kan leng za tawh ang' hi an group term thara an music video hmasa ber a ni a, video dang pawh an buaipui leh mek a ni.