Buckingham Palace-ah Meghan a inlan

Prince Harry leh a kawppui Meghan Markle-i te chuan inneih an tum hnai tawh viau a niang, tun hnai khan Meghan chu Buckingham Palace-ah hmuh a ni.

Prince Harry chuan Meghan hi Queen Elizabeth-i hmaah inlan turin a hruai a, a inhmelhriattir a ni. Hei vang hian mi tam tak chuan an inhual tawh a, inneih hnaih mai an tumah an ngai. Meghan pawhin hemi chungchang hi a zep bik lo a, "Queen hmaa inlan chu a zamawm duh khawp mai, a vawi khatna a ni bawka ka zam chhe lo chauh a ni" tiin a hun tawn a sawi chhuak. Harry hian a pi Queen Elizabeth-i hnenah hian nupui neih remtihna a dil a, Buckingham Palace-ah hian Meghan nen hian darkar li vel hun an hmang a ni. Hemi chungchangah hian Palace pawhin thuchhuah an siam a, "Prince Harry chuan Royal Family hmaah Meghan Markle a hruai a, inhmehriattirna a nei a ni" tiin an tarlang ve bawk.

Harry (33) leh Meghan (36) te hi nikum aṭanga inzui ṭan chauh ni mah se, tunah chuan ṭangdang belh zai an rel tawh lo. Los Angeles khawchhuak Meghan hian pasal a neih dawn avang hian a inlanna show ṭhenkhat pawh a lo bansan tawh a ni. Kumin December vel hi chuan an inkutsuih hman tura ngaih a ni.