MAMA Award 2017 BTS leh EXO an langsar

Mnet Asian Music Awards (MAMA) sem a hnai leh tawh a, nomination pawh puanchhuah tawh a ni. ṭum­dang ang bawkin BTS leh EXO-te an langsar leh a, cate­gory pathumah award dawng thei tura chawpchhuah an ni.

MAMA Award hi Korean TV channel Mnet-te'n an buatsaih a ni a, kum tin sem chhuah ṭhin a ni. Categoary hrang hranga award dawng thei tura chhawp chhuah te hi November 28 thleng vote theih an ni ang. BTS, EXO, Heize, IU, Seventeen, TWICE leh Wanna One-te chu category pathumah award dawng thei tura chawpchhuah an ni. Boy band BTS leh EXO-te hi Best Male Group, Best Music Video leh Best Dance Performance Male Group-ahte chhawp chhuah an ni a, an lar vang lai a nih bawk avangin a mak lo.

Award semna hi khawpui pathum-ah neih a ni dawn a, Vietnam-ah November 25-ah sem a ni ang a, Japan (November 29) leh Hong Kong (December 1)-ahte sem a ni leh bawk ang. Boy group Seventeen leh Wanna One-te chu show-a perform tur zingah an tel.