Lady Gaga-i'n studio luhchilh leh tawh

Lady Gaga chuan a album parukna buaipui turin studio a luhchilh leh tawh. Gaga hi hun eng emaw chen taksa lam chak lohna avangin mipui hmaah a zai tawh lo a, tunah chuan mipui hmaa inlan turin a fit ṭha leh tawh a ni.

A producer DJ White Shadow nena an thlalak pawh Instagram lamah a phochhuak a, album thar an buaipui thu a sawi. Gaga hi dam lohna avangin Rio festival-a a inlan tur pawh thla hmasa khan a ṭhulh a, tour programme pawh a cancel a ni.

Lady Gaga leh a producer DJ White Shadow-te hi an thawk dun ṭha rih khawp mai a, Born This Way, The Edge of Glory, Applause leh Do What U Want-te an lo tichhuak tawh a ni.