Praise On Top 50-a tlingte puang

Synfo leh Central Kristian Ṭhalai Pawl thawk dun buatsaih, Branch KTP malzai intihsiakna 'Praise on 2022' chu neih chhoh mek zel a ni a, top 50-a tling te chu Ningani zan khan Synfo Studio, Synod Office-ah puan an ni.

'Praise on 2022' second round hi October 12-13,2022 chhung khan Mission Veng Presbyterian Kohhran hall-ah neih a ni a, elimination round paltlang mi 159 zingah 158 an in lan a, chung aṭang chuan mi 50 thlan chhuah leh an ni.

Top 50-a tling te hi October 18, 20 leh 21-ah te Republic veng Presbyterian Kohhran hall-ah an intihsiak leh dawn a, zai turte hian track an hmang thei tawh dawn a ni.

'Praise on 2022' hi Hruaina Eng channel leh Synfo Youtube channel-ah te pek chhuah ṭhin a ni a, Top 50 round pawh hi live-in pek chhuah leh tur a ni.