YAMAHA Fiamthu Fest Top 20 result puan a ni dawn

YAMAHA Fiamthu Fest chu neih chhoh mek zel a ni a, kar kal ta Zirtawpni zan khan top 20 intihsiak chu zawhfel niin, nakzanah result puan a ni ang.

Top 20 inelna hi ṭhuang hniha kalpui a ni a, a thawh khatnaah mimala inelna buatsaih a ni a, a thawh hnihnaah group debate an nei thung. A thawh hnihna bikah hian contestant mi 20-te chu group pali-ah ṭhen an ni a, thupui thlanchhuah sa hmangin an inel a ni. Group inelnaah hian an chet ṭhat dan azirin mimala point pek an ni a, contentant-te an che ṭha tlang hle a ni.

Top 20 aṭang hin mi panga an tla dawn a, result hi nakzan dar 8-ah puan a ni dawn a, mi 15-te'n intihsiak an hmachhawn leh nghal dawn a ni.

The Grand Hotel, Chadmari-ah intihsiakna hi neih leh tur a ni a, Zonet Rimawi-ah live-a pek chhuah ṭhin a ni.