BTS Busan concert a hlawhtling Jin-an Solo project a buaipui mek

BTS chuan Inrinni liam ta khan South Korea khawpui lian ber dawttu Busan-a Asiad Stadium-ah mipui 55,000 chuang hmaah “Yet to Come” concert hlawhtling takin an nei. Minute 90 awh event -ah hian ARMY pungkhawm an ṭhahnem a, fans pawhin an hlut hle. Stadium chhunga leng lo pawh an tam hle a ni. Busan hi kum 2030-a neih tur World Expo thleng thei tur khawpui pali chhawpchhuak zinga mi a ni a, hemi pual hian an ram tan sum tuak turin concert hi an buatsaih a ni.

July thla khan BTS chu Busan World Expo 2030 honorary ambassador atan hian thlan an ni. BTS record label Big Hit chuan "World Expo pawimawh zia leh a hlutna hrechiangtu an ni," tiin thuchhuah a siam.

Jin solo project thar tur chu
BTS member zinga upa ber leh kumin kumtawpa military service zawm tur nia an sawi, Kim Seok-jin chuan single thar a tichhuak thuai dawn tih sawiin, K-pop group-in chawlhlailawk an puan hnua an member pakhat J-Hope-an official solo project a tlangzarh hnua mimala project buaipui tur pahnihna a ni.

Jin chuan Inrinni liam taa “Yet to Come” concert an neih laiin he thu hi a puang a ni. Jin, Suga, J-Hope, RM, Jimin, V leh Jungkook-te chuan June thla khan pawl anga an hmachhawpte chawlhsan lailawkin solo lam buaipui turin thutlukna an siam thu hi an puang a ni.

"Ka mi ngainat tak nen thawhdunna hun ṭha ka nei thei a, single thar pawh a lo chhuak thuai dawn e," tiin Jin chuan show-a kalkhawm ARMY ṭhahnem tak hmaah a puang. Fans-te chuan Jin hnen aṭang hian solo tiha sawi theih an lo ngaithla nual tawh, chungte chu “Tonight” (2019), “Abyss” (2020), “Yours” leh “Super Tuna” (2021)-te an ni.