Queen-in Freddie Mercury zaina track tichhuak dawn

Queen chuan Freddie Mercury zaina hla an la tihchhuah ngai loh minute li a thui track “Face It Alone,” tih chu kum 1989-a an album collectors edition pualin November 18 hian an tichhuak dawn. He hla hi “The Miracle,” album an buaipui laia an record a ni.

Hla thar an tichhuak leh dawn tih sawithawm a awm hnuah, Queen founding member Brian May leh Roger Taylor ten June thlaa Queen Elizabeth II Platinum Jubilee concert an neih zawhah official-in an puangzar a ni.

Queen studio album 13-na "The Miracle" hi an band in an vanglai tak tak an hman chhoh hun kum 1988 laia an record a ni. Track ṭhenkhat chu tihchhuah lohin an dah a, heng hla “Hang On In There” leh “Chinese Torture” te chu bonus track anga kaltir an ni thung a ni.