Sorkar hnathawkte tan training buatsaih

Department of Personnel & Training leh Administrative Training Institute (ATI) ṭangkawp chuan nimin Lawngtlai district-a state sorkar leh district council hnuaia thawk group B leh C-te tan DC conference hall-ah 'Induction Training Programme' an buatsaih a, Lawngtlai DC Dr Arun T-in a hawng.

Lawngtlai DC chuan, hna reng reng thiam tak tur chuan zir tam leh training neih tam a pawimawh tih sawiin, "ATI-in Lawng­tlaiah ngei kal chilha induction training an buatsaih hi a lawmawm hle a, kan district tan hmasawnna a nih ngei a beisei," a ti a; training-a telte chu an thil zirte ngun taka zir a, hlâwkpui leh ṭangkaipui tum ngei turin a chah.

Training hian November 4, 2017 thleng a awh dawn a ni.