Purun sen chingtute tan training

Agriculture department chuan nimin khan Serchhipa an department conference hall-ah New Economic Development Policy (NEDP) hnuaia purûn sen chíngtute tan training an buatsaih.

Training kaihruaitu, Serchhip SDAO Lalringliana chuan, purun sen ching­ turin Serchhp district chhung khaw hrang hrang pariat aṭangin chhung­kaw 80 thlan an nih thu a sawi a, "NEDP aṭang­in chhawm­dawlna leh ṭanpuina awm thei ang angte pek an ni ang. Department aṭanga inbuatsaih ngai ang angte pawh inbuatsaih fel a ni tawh a, lo neitute'n theih­tawp chhuah a, hlawhtling ngei tura ṭan lak erawh an tih ve tur a ni," a ti.

Training-ah hian KVK scientist Vanlal­hmuaka Ngente-in purûn sen kûi ṭiah dan te, a chîn dante leh enkawl dante bakah, damdawi hman a ngaih pawha hman dan turte a zirtir a ni.