US president hlui rual hmaah Gaga inlan

October 21 khan US-a Florida leh Puerto Rico mipuiten ṭanpuina turin concert buatsaih a ni a, he hunah hian Lady Gaga chu a inlan. He concert-ah hian US preisdent lo ni tawh mi panga - Jimmy Carter, George H. W, Bush, Bill Clinton, George W. Bush leh Barack Obama-te pawh an inlan a ni.

Florida leh Puerto Rico-te hi thlipuina takin a nuai a, chhitna nasa tak a thleng a ni. Chhiat tawkte ṭanpui nan hian "Deep from the Heart: One America Appeal Concert" buatsaih a ni a, heta sum hmuhte hi chhiattawkte ṭanpui nan hman a ni ang.

Lady Gaga chuan midangte ṭan­pui theitu zinga a tel chu lawmawm a tih thu a sawi a, US president lo ni tawh, mi ropui tak takte hmaah a inlan theih avangin a inchhuang hle tih a sawi bawk. "Hurricane Irma avanga Florida leh Puerto Rico mipuite chunga tawrhna rap­thlak tak thleng hi a pawi tak zet a, vanduaina tawkte thinlung takin ka tawrhpui a ni" a ti. Gaga hian "Million Reasons", "You and I" leh "The Edge of Glory" tih hlate a sa a, mipuiten standing ovation an pe hial a ni.

Concert-a tel US president hluite hian thu an sawi vek a, Barack Obama chuan lawm a hlawh hle. Obama chuan, "Vanduaina hian American mipuite hi pumkhatah min siam se la, nasa zawkin i ṭangtlang ang u," a ti. Concert-ah hian president ni lai Donald Trump chu eng emaw rokhawlhna avangin a kal thei lo a, a thusawi tih chhuah a ni thung.