Billboard 200 album-ah Pink bawk a langsar

Pink chuan Billboard 200 album chart thar berah pakhatna bawk a luah leha, kar hmasa lam khan he dinhmun hi a lo luah tawh a ni. Tunah hian Australia Albums Chart-ah pakhatna a hauh mek bawk.

Pink album 'Beautiful Trauma' hi hralh a la kal hle a, kar khat chhungin 408,000 zet an hralh a ni. Kumin chhunga album tihchhuah tawh zinga hralh kal ber pawl a ni a, hmeichhia bikah phei chuan a sang hle. Pink hian kum 2012 khan a album 'The Truth About Love' hmangin chart-ah hian pakhatna a lo hauh tawh a, copy 280,000 vel zet a hralh a ni. 'Beautiful Trauma' hi Drake-a album 'Views' tih lohah chuan hralh kal ber pawl a ni chho mek a, digital album hi copy 101,000 hralh chhuah tawh niin, CD-in copy 283,000 zet tihral a ni tawh bawk.

Chart-a pahnihna chu rapper Gucci Mane a ni a, a album "Mr. Davis" chu kar khat chhungin copy 70,000 tihral a ni. Mane hian chart-a lang pha album 19 zet a nei thei a, cung zinga pali chu top 10-ah an lang phak a ni. Alternative rock singer Beck chu pathumna-ah awmin, a album "Colors" chu hralh a la kal zui zel. Beck hian top 10-a lang pha album a lo nei nual tawh a, kum 2015 khan Grammy Awar-ah 'album of the year' a lo dawng tawh bawk.

Kumina album tihchhuah tawh zingah, Kendrick Lamar - Damn te, Drake - More Life leh Ed Sheeran - Divide te chu hralh tla zual an ni.

Billboard 200 album chart

1. Pink - Beautiful Trauma

2. Gucci Mane - Mr. Davis

3. Beck - Beck

4. Post Malone - Stoney

5. Lil Uzi Vert - Luv Is Rage 2

6. Ed Sheeran - Divide

7. Imagine Dragons - Evolve

8. A Boogie Wit da Hoodie - The Bigger Artist

9. Lil Pump - Lil Pump

10. St. Vincent - Masseductio