Demi Lovato leh Luis Fonsi thawk dun dawn

Mi tam tak nghahhlelh, pop star pahnih Luis Fonsi leh Demi Lovato te thawk dun tur anga sawi chuan a tak ram a chang dawn ta. 'Despacito' atanga khawvel hriatlar Luis Fonsi leh 'Confident' star Demi Lovato te hian thawhdun an tum ngei tih zirtawpni zan khan an tichiang ta.

Lovato leh Fonsi te hian Instagram-ah hla thar an sak dunna video an shoot lai thlalak an tarlang a, Fonsi hian 'Engnge thleng ta Demi" tiin a comment.

Reilote hnuah Fonsi hian thlalak dang post ve nghalin, 'hlum fel a ni ta' tih leh camera lem a hmang a, Lovato chuan 'Hello Fonsi' tiin a comment ve thung. Kar hmasaa Buzzfeed in Lovato an kawmnaah khan, "In lo nghah deuh a ngai ang, tunhnaiah engemaw chu ka record ngei a lawm. In ngainat zawng a nih ka ring" tiin a lo chhang tawh reng a ni.