Super Bowl Halftime Show-ah Justin Timberlake

Justin Timberlake chu Super Bowl Halftime Show-ah a inlan dawn tih puan a ni a, ngaihven a hlawh nghal hle.

Super Bowl hi Minneapolis khawpui, United States-ah February 4, 2018 khian neih a ni dawn a, half time show ropui tak hmuh tur a awm leh dawn. Timberlake hi 2017 Super Bowl-ah khan a lo inlan tawh bawk a, actor Christopher Walken nen an inlan a ni. Show-a a inlan leh tur thu hi October 22 khan puan a ni.

Timberlake hi 'Can't Stop the Feeling' a tihchhuah hnuah a reh vang vang a, tunah chuan a studio album pangana tur a buaipui leh mek tawh a ni. Tun hnai khan Pilgrimage Festival, Franklin-ah a inlan a, lawm a hlawh hle.