Mumbai Film Festival Assamese filmmaker-in award pathum a dawng

Assamese filmmaker Rima Das-i chu Jio MAMI 19th Mumbai Film Festival-ah a inlan a, award pathum a dawng.

Assamese filmmaker chhuan­vawr Das-i hian hnu­hma ha tak a lo nei nual tawh a, chawimawina pawh eng emaw zat a lo dawng tawh a ni. Mumbai-a film festival-ah hian a kutchhuakte pawh chhuah a ni a, mipui lawm a hlawh hle. Das-i hian ward ngaihhlut 'Golden Gateway Award' a dawng a ni. Hei bakah hian 'Oxfam Best Film for Gender Equality Award' leh 'Young Critics Choice Award'-te hlan a ni bawk.

Das-i chuan award pathum lai a dawng thei chu lawmawm a tih thu sawiin, phu lo hlea a inhriat thu a sawi. Chutih rual chuan hmeichhia leh kum lama naupang zawkte tan chona thar a nih thu a sawi. Kum riat mi lek a nih aangin hlawhtling tura a beih thu a sawi a, Mumbai-ah ngei hian bul ka an a, vawiinah chuan chawimawiin ka awm ve ta a ni tiin, a bulan dan a sawi. Film tam zawk siam tura a beih zel tur thu a sawi bawk.

Award ceremony-ah hian milar tak tak - Deepika Padukone, Sonam Kapoor, Kabir Khan, Anurag Kashyap, Rajkumar Hirani, Hansal Mehta, Kiran Rao, Ashutosh Gowariker, Rajkummar Rao, Sudhir Mishra, Kriti Kharbanda leh Tanishtha Chatterjee-te pawh an inlan a ni.