‘Halloween Ends’ a hlauhawm tawk lo

David Gordon Green-a direct, Halloween Ends chu beisei angin Box office lamah a che ṭha lo. Jamie Lee Curtis channa hian theatre 3,901 aṭangin USD mtd 41.2 lai lalut tling mah se, Trilogy film pathum tihchhuah tawh zingah tlangzarh kara sum lalut tlem ber a ni.

Ram pawn aṭangin USD mtd 17.2 a lalut a, he film siamna atan hian USD mtd 30 sen niin, a sum lakluh belhkhawm chu USD 58.4 a tling tawh.

Halloween Ends hi kumin film chhuak zingah, tlangzarh kara USD mtd 40 chuang lalut thei 12 na chiah a ni.

Kum 2006 aṭanga tihchhuah ṭan thriller film Hollywood Kills kha beisei phak lo deuh mah se, kum 2018-a tihchhuah 'Halloween' erawh chuan record lo siamin tlangzarh karah USD mtd 76.2 a lalut a, khawvel pumah USD 250 a lalut phak hial. Kumin pawh hian beisei phak chiah lo mah se 'Halloween' leh 'Halloween Ends' hian Rotten Tomatoes lamah critics’ score inang deuh thaw an hmu.

Paramount sleeper horror film 'Smile' chuan dawtin USD mtd 12.3 a lalut, kar thum liam taa tlangzarh hian US-ah mtd 71.2 lalutin rampawn lamah mtd 66.4 a lalut bawk.

Lyle, Lyle, Crocodile chu pathumna niin USD mtd 7.4 a lalut leh a, US bikah mtd 22.8 leh ram dangah mtd 26.4 a lalat tawh .

The Woman King (mtd 3.7), Christian Bale, Margot Robbie, John David Washington bakah mi lar rual channa Amsterdam (mtd 2.9) te chuan sum lakluh tam lamah an dawt a ni.