Academy Museum Gala-ah Hailey leh Selena

Selena Gomez leh Hailey Bieber-te chuan mipui rinlawk loh tak leh an inkarah inhuatna a awm lohzia lantirnan; mipui hmaah inlanin thla an la dun. Gomez leh Bieber-te hi Academy Museum of Motion Pictures 2nd Annual Gala hman zawh takah khan an inlan dun a ni.

Hailey Bieber chuan tunhnai khan Selena bialpa hlui Justin Bieber a chhuhsak nia an puhna chu thuthang dik lo anih thu leh, online lamah pawh amah huatna tam tak a tawn phah tih Alex Cooper Spotify podcast, Call Her Daddy kaltlangin a sawi.

Hailey chuan midang inlaichinnaah va inbarh buai a tum ngai loh thu te, an inneih hmaa Bieber-an midang a ngaihzawn lai pawha a inrawlh ngai loh thu a sawi.

Gomez pawhin mi deusawhna ṭawngkam a hriat ṭhinte chu a bawlhhlawhin a ṭawp ṭhin hle a, mi tupawhin hetiang hawizawnga inṭawngkhum hi an phu lo a ni, tiin a ngaihdan a sawi.