Khawvel hmeichhe hmelṭha thlanchhuah zingah Deepika Padukone lang phak

Khawvela hmeichhe hmelṭha berah English mi lemchanthiam Jodie Comer chu thlan a ni a, India chhulchhuak Deepika Padukone pawh pakuanaah a lang.

He zirchianna hi ancient Greek technique ‘Golden Ratio of Beauty’ hmangin tunlai thiamna sang tak computerised mapping strategy-te tangkawp hmanga an thlanchhuah a ni.

Spiderman star Zendaya bakah model Bella Hadid chuan pahnihna leh pathumna dinhmun hi an hauh bawk a ni.

Golden Ratio of Beauty, Phi tiha sawi hi mathematical method chi khat a ni a, an pianhmang te chik taka endikna leh tehna a ni. Hmasang Greek mi te sawidanin, hmelṭhatna hi an hmelhmang leh taksaah numerical form hmanga chhut chhuah ṭhin a ni.

Jodie Comer hian 98.7% hmuin a sang ber a, top 10-a celebrity lang ve dang zingah Zendaya (94.37%), Bella Hadid (94.35%), Beyonce (92.44%), Ariana Grande (91.81z%), Taylor Swift (91.64%), Jourdan Dunn (91.39%), Kim Kardashian (91.28%), Deepika Padukone (91.22%) and HoYeon Jung (89.63%)-te an tel.