Tim McGraw leh Faith Hill hnenah 'Legends of Live' award hlan dawn

Los Angeles-a Montage Beverly Hills-ah November 14 leh 15 khian 14th Annual Billboard Touring Conference & Award sem a ni dawn a, he hunah hian Tim McGraw leh Faith Hill-te chu 'Legends of Live' award hlan an ni ang.

He hunah hian milar tak tak an inlan dawn a, Diplo, Reggie Watts, Lil Dicky leh Sam Hunt bakah midang eng emaw zat award hlan an ni ang. Agency lian tak tak - UTA, Paradigm, Live Nation leh London Entertainment aiawhte pawh an tel dawn a, show ropui tak hmuh tur a awm dawn.

Billboard Media Group president John Amato chuan, "Conference hian a tum ber chu live music events hrang hranga tharum thawhna thleng ṭhin tih tawp a nih theih nan te, inpumkhatna ṭha zawk nei a, tharum thawha che ṭhinte dolet tura inpumkhat nana buatsaih a ni" a ti.

Amato chuan tun hnaia Manchester leh Las Vegas-a thil thleng kha a pawi tak zet a, mi tam takin nunna an chan a, hliam tuar eng emaw zat an awm. Live concert-a khatiang thil a thleng kha a rapthlak tak zeta, tun hnuah chuan thleng tawh lo se a duhawm hle a ni, a ti.

Billboard Touring Conference & Awards-ah hian music khawvela hnuhma nei ṭha tak tak chawimawi an ni dawn a, Bon Jovi pawh award hlan tur zingah a tel.

Lil Uzi Vert chu 'Breakthrough Artist' award hlan a ni dawn a, silai hmanga pawi sawi lote chunga thihna rapthlak thleng ṭhin tih tawp a nih theih nana hma latu pawl, Everytown for Gun Safety chu 'Humanitarian Award' hlan an ni bawk ang.