JB leh Selena an chhuak dun

Justin Bieber leh Se­lena Gomez-te chu Studio City, California-ah an inzui hmuh a ni a, sawizui an hlawh nghal hle. Mahse an pahnih chauhin an ni lo a, an ṭhiante ve ve an hruai a ni awm e.

Selena-i bialpa, Cana­dian singer The Weeknd chu he hunah hian a tel ve lo a, tour neiin a thang mek a ni. JB leh Selena-te inzui leh tak chhan hi tarlan a ni lo a, renew leh lam an lo sawi te pawh a ni thei. The Weeknd tan pawh lungngaihna tur a awm lo niin an tarlang tlat. The Weeknd-a lam-

ṭangte chuan an ni pahnih hi hmaichhanah an inhmu lo niin an sawi a, mahse hei hi tak tak a ni em tih hriat a ni lo a, fianfiahna pawh a awm chuang lo bawk.

Justin leh Selena te hi 2011 - 2014 chhung khan an inzui ngawrh hle a, chanchin pawh an ngah hle. An inṭhen hnu hian Selena-i hian a tuarna viau niin an sawi. JB-a pawh a bang bik chuang lo, "Selena hi ka hmangaih a, ka hmangaih reng bawk ang. A chanchin hi ka ngaihven reng ṭhin" tiin a sawi. Kum 2016 khan JB-a hi One Love Manchester benefit concert-ah a inlan a, hemi ṭum hian Selena chuan instagram lamah, "A perform ṭha tak zet a ni" tiin a tarlang a, an intheihnghilh zui mai lo tih a chiang. Tun ṭuma chanchin an han nei leh deuh hat pawh hi awm lo hran lo.

Hetih lai hian Selena leh The Weeknd-te hi kumin January aṭanga khan an in zui ṭan a, Justin pawh hi nula chhe lo tak tak Paola Paulin, Kourtney Kardashian, Hailey Baldwin leh Sofia Richie-te nen sawizawm a ni ve reng bawk.