'Hmangaih mengmawite' kan hmu dawn

Hla phuahthiam John Mawitea leh Mapuii Fanai te hla 'Hmangaih meng­mawite' tih chu F.Zo­muanpuia leh leh H.T. Lalthanzami ten an rawn sa thar leh dawn a, music video pawh tlang­zarh tura peihfel a ni tawh. H.T.Lalthanzami hi lunglei Zostar compe­tition-a top 3 lo ni tawh a ni.

'Hmangaih meng­mawite' hi mizo hmeichhe band lar ṭhin BLUE CORN leh Robert-a ten mawi taka an lo sak tawh kha a ni a, tun ṭumah hian Zomuanpuia leh Zami te hian an mahni version-in an rawn sa thar leh dawn a ni.

A hla hi a mawiin a nalh a, a satute an tha bawka a hlawhtling ngei tur­ah beisei ila a sual tampui awm lo e. Offcial music video hi MDM library-ah dahluh a ni dawn a, Zonet lamah hmuh tur a awm thuai dawn. Music and recording hi Melody Recording Studio niin, video hi RP Peter Production kutchhuak a ni. Youtube lamah en theih tura chawpchhuah a ni bawk ang.

John Mawitea leh Mapuii Fanai te hi an reh deuh vang vang a, mahse tunah chuan album thar tichhuak turin an inbuasaih leh mek tawh a ni awm e. Album-ah hian hla engzat nge awm dawn a la hriat loh a, a sa tu turte pawh tlangzarh an la ni lo. Hetih lai hian album preview hi youtube lamah chuan dah chhuah tawh a ni a, a chhuak thuaiin a rinawm.