Quiz 2017 Zaninah Top 10-a tlingte an inlan dawn

Territorial Salvation Army Youth Council (TSAY) leh Salvation Army Communication Network (SACNET) ṭang­­­kawpten an buatsaih 'Quiz 2017' top 10 intih­siakna chu zaninah chhun­zawm a ni leh dawn a, Zonet Rimawi leh LPS 10-ahte live-a pekchhuah a ni ang.

Intihsiakna hi Booth Mansion Conference Hall Tuikual South-ah zan dar 8 aṭangin ṭan a ni dawn a, top 5 result puan nghal a ni ang. Top 10 tling Coprs-te hi group hnihah ṭhen an ni a, zanin hian corps panga an tla dawn a ni. Contestan-te hi Bible, Salvation Army History, Year Book, Ma­nuals of Operation, Koh­hran nihphung, G.K leh Current Affiars hmangin an intihsiak ang a, Audio, Visual leh Rapid Fire Round a awm bawk ang. Hei bakah hian "Phone a Friend' a awm dawn a, in lama TV aṭanga lo thlirtute chu zawhna pakhat ṭheuh zawh an ni ang. Grand Finale hi November 4 zan­ah neih tura ruahman a ni.

Quiz 2017-ah hian Indian Eastern Territory (IET) huamchhunga Corps 35-te an tel a, Corps 20-te'n elimination round paltlangin, top 20 aṭngin a tiṭha zual 10-te'n inelna hi an hmachawn leh dawn a ni. India ram hi Territory 6-ah ṭhen a ni a, Indian Eastern Territory hian hmarchhak state 8 bakah, West Bengal, Bhutan leh Nepal-te a huam a ni.

Zanina inlan turte :

Group 1

College Veng Corps

Zotlang Corps

Chanmari West Corps

Gov't Complex Corps

Lily Veng Corps

Group 2

Bawngkawn Corps

Tanhril Corps

Hermon Corps

Bazar Corps

Gilgal Corps