LE SSERAFIM-in EP thar tichhuak

K-pop girl group LE SSERAFIM chuan EP thar Antifragile an tichhuak a, hemi rual hian title track pual video pawh an tichhuak nghal.

Girl group anga an EP hmasa ber, 'Fearless' an tihchhuah aṭanga thla liam hnuah EP dang hmang vekin thawm an rawn nei leh ta. Kim Ga-ram-in a chhuahsan hnua an hla hmasa berah hian an pawlin hetiang dinhmun sang tak thleng thei tura harsatna hmachhawn dan leh, kawng la zawh ngai loh zawh tura ke an pen dan chungchang an tarlang.

"Antifragile" hian he pawl naupang tak hi music piah lama an mihring mihrinna thlenga an puitlin tawh zia a rawn tarlang a ni. He EP hi an tihchhuah hma kar thleng khan, pre-order 6,20,000 an hmu hman. Hei hi an EP hmasa zawk Fearless-in pre-order 3,07,000 a hmuh aiin a letin a tam a ni.

October 16-a tihchhuah "Antifragile" hian nimin thleng khan YouTube-ah thlirtu maktaduai 32 chuang a nei tawh.

LE SSERAFIM hi BTS, Tomorrow X Together, SEVENTEEN-te lo enkawltu HYBE peng pakhat Source Music hnuaia awm an ni.