YouTube Billion Views Club-ah The Police hla hit 'Every Breath You Take'

Kum 1983 daih tawha English rock band The Police single “Every Breath You Take” chu YouTube lamah thlirtu tluklehdingawn chuang an awm ta. Billboard chuan kum 1983-a hla lar berah a thlang a, Hot 100 chart-ah kar riat chhung zet pakhatna a ni. Hemi kuma single hralhchhuah hnem ber a ni bawk.

He hla hi kum 2010 khan mipui ngaihthlak theihin YouTube-ah dah a ni a, hla chuai thei lote zinga mi hi YouTube Billion Views Club a hla awm thei 225 leh 1980's chhoa hla lang thei pasarihna a ni.

The Police frontman Sting-a phuah niin an band studio album hnuhnung ber kum 1983-a an tihchhuah "Synchronicity"-a hla awm zinga mi a ni.

Kum 2019 khan “Every Breath You Take” hi BMI Pop Awards-a hla play zin berah thlan niin, radio play maktaduai 15 dawn a nei tawh. Nikum khan Spotify-a hla vawi tld chuang stream tlin zingah lang lehin, Spotify Billions Club huangah dah a lo ni tawh bawk a ni.