Elton John-an Farewell tour aṭangin sum hai lut hnem

Hranghlui zaithiam chuai thei lo, Elton John Farewell tour chu a hlawhtling hle a, USD maktaduai 661 chuang lalut tawhin tour aṭanga sum lakluh tam lamah pathumna a ni.

Elton John chungah hian kum 2009-2011 inkara "360" tour an neihna aṭang USD mtd 736.4 laluttu U2 leh, kum 2017-2019 “Divide” tour aṭanga USD mtd 776.4 laluttu Ed Sheeran-te an awm.

“Farewell Yellow Brick Road” tour hi kum 2018 September thla khan Allentown, Pennsylvania aṭangin Elton John hian ṭan a, US, Canada, Europe, Australia leh New Zealand-te a fang kual tawh. Tunah hian North America lamah tour hi nei mekin, nakkumah Australia, New Zealand leh Europe-ah te tour hi a chhunzawm leh dawn a ni.