Lal chhungkaw chawimawina sang dawngtu Daniel Craig

James Bond star Daniel Craig chuan film leh theatre lamah a thawhhlawk avangin British Lal chhungkaw chawimawina 'Companion of the Order of St. Michael and St. George' (CMG) a dawng a, Windsor Castle-ah Queen Elizabeth II fanu Princess Anne chuan he chawimawina hi a hlan.

Kum 54 mi, English lemchanthiam hi James Bond film hnuhnung pangaah khan a inlan tawh a ni. Craig hian kum 2006-a tihchhuah ‘Casino Royale’ aṭanga Bond film thar ber leh nikuma tlangzarh; 007 anga a inlan hnuhnun berna tur ni bawk ‘No Time To Die’ thlengin James Bond-a lem chu hneh takin a lo chang tawh a ni.