Nintendo Switch Hralh a kal zel

Nintendo chuan Ningani khan fourth-quarter-a hlawkna an hmuh tawh chu 200%-in a pung tih sawiin, hei hi an gaming console Nintendo Switch hralh a kal vang tih an sawi.

Animal Crossing: New Horizons game chu hralh a kal zual hle tih sawi bawkin, tlangzarh a nih aṭanga kar ruk chhungin maktaduai 13.4 an hralh hman.

Kyoto-a hmunpui nei gaming company hian January leh March inkara an hlawkna hmuh chu  JPY tld 89.4 (Rs vbc 6,380) a ni tih sawiin, Nintendo Switch an tlangzarh 

aṭangin an hlawk zual hle. Switch hi kum li kal ta khan tlangzarh niin Pokemon game thar ho avangin hralh a kal zual hle a, March 20-a  Animal Crossing: New Horizons tlangzarh a nih aṭang khan hralh a kal leh zual a ni.

March thla tawp thleng khan Switch console hi maktaduai 21 an hralh tling tawh a, maktaduai 19.5 vel hralh hman an inbeisei laiin an beisei aiin a hlawhtling. Switch hi a lite version an tlangzarh leh tawh a, Amazon leh online shopping site hrang hrangah Rs 20,000 tling loin a chah theih tawh bawk.