'Disney Family Singalong: Volume II'-ah Katy Perry leh Christina Aguilera

'Disney Family Singalong: Volume II', Pathianni, Nute nia neih turah  Katy Perry leh Christina Aguilera-te chu an inlan ve dawn.

Katy Perry chuan Dumbo hla 'Baby Mine' a sa dawn a, Christina chuan Coco soundtrack-a mi 'Remember Me' a sa thung ang a, Miguel nen an sa dun dawn a ni. 

Anni pahnih bakah hian  Sabrina Carpenter, Lang Lang, Keke Palmer leh The Muppets-te pawh an inlan dawn a,  Jennifer Hudson leh John Legend-te chuan 'Beauty and the Beast (2017)' theme an sa bawk ang.

Disney Family Singalong-ah hian High School Musical star-te pawh an lo inlan tawh a, April thla laihawlah khan an hla hit  'We're All In This Together' chu video conferencing hmangin an lo sa ho tawh a ni.

The Disney Family Singalong hi hripui len hnua tihchhuah chauh niin April 16 khan ABC chuan a tichhuak a, khami ṭum khan  Ryan Seacrest chuan host-in, show aṭanga an sum hmuh chhuahte chu Feeding America tan an pe a ni. Volume II pawh hi  Seacrest bawk hian a host leh ang.