Arkansas-ah social distance concert hmasa ber buatsaih dawn

Arkansas-ah kar leh Zirtawpni hian social distance concert buatsaih a ni dawn a, hei hi social distance concert hmasa ber tur nia hriat a ni.

Seat arrangement an uluk dawn hle a, concert chhimtute chuan an bula mite an din hnaih dawn lo hle. Covid-19-in khawvel a tihbuai hnua concert buatsaihtute chuan Arkansan concert buatsaih ang zulzui hian an buatsaih a ngaih tawh a rinawm.

He concert-ah hian  Bishop Gunn frontman Travis McCready chu a perform dawn tih a chiang tawh a, Fort Smith-a TempleLive hmunah concert hi an nei dawn a ni.

Concert chhim turte chu section hrang hrangah ṭhen hran an ni dawn a, hei hi Ticketmaster chuan 'fan pods' tia sawiin group khatah hian seat 2 aṭanga 12 inkar ft. 6-a hlaah an dah zel dawn. Seat 1,100 awmna ni mah se seat 229 chauh an hralh dawn bawk.

Show en turte chu khawsik an neih leh neih loh an enfiah hmasa vek dawn bawk a, bathroom-ah pawh vawi khatah mi 10 aia tam luh an phal dawn lo bawk. An fimkhur dawn hle a, sahbawn in khawih ṭhawm theih leh paper towel pawh an dah dawn lo.

Arkansas Governor Asa Hutchinson-in May 18 thleng indoor-ah chuan concert buatsaih chhunzawm phal a ni tih a puan hnuah concert hi buatsaih tum a ni ta a ni.