Yamaha Fiamthu Fest - 'Hlim Zan' mi panga an tla

Yamaha Fiamthu Fest chu a hmawrbawk a hnai tawh a, contestant zingah pawh a ṭha zual tak tak tan chauh hmun a awm ta.

Nizan khan top 15 intih­siakna chu The Grand Hotel-ah neih leh a ni a, 'Hlim Zan' hman a ni. Contestant-te chuan fiamthu thawh loin, an thiam thil dangte an pholang a, result puan nghal a ni. Top 10-a inhlangkai zo ve ta lo tan chuan 'Hlim Zan' hi zan lungchhiat thlak a tih theih ang. Hetih rual hian mite hriat an hlawh tawh avangin an thlen chinah lungawi a har lo ang.

Top 10-a tlingte hian Octo­ber 31 khian intihsiakna an hma­chhawn leh ang a, Zonet Rimawia live-a pekchhuah leh a ni ang.

Top 10-a tling te :
C. Lalhmangaihzuala Kanghmun
A. Lalhlimmawia Lawngtlai (Thingkah)
Lalhmingmawia Ṭuahzawl
Hrangkapchhunga Zemabawk
Lalrinfela Fanai Darlang
Lalnunsanga Folkland
Zoremsiama Central Jail Veng
Laldawmliana Saitual
Lalduhawma Ramhlun Vengthar
Lalngaihsaka ITI Mualpui
V.L Dinsanga New Serchhip North