Ball And Chain-ah The Rock leh Emily Blunt

Dwayne 'The Rock' Johnson leh Emily Blunt chu 'Ball And Chain'-ah an chang dun dawn tih Variety Magazine chuan a tarlang.

Johnson leh Blunt hi Disney adventure film Jungle Cruise-ah an lo chang dun tawh a, July 24 hian Jungle Cruise hi tlangzarh tum a ni a, mahse Covid-19 leng vangin sawn hlat a ni. The Rock hian film lamah hma chhawp a la ngah hle bawk a, DC film Black Adam-ah leh Netflix action-comedy Red Notice film thar turah te kan hmu dawn a ni.

'Ball And Chain' hi 90s chhoa comic book series Ball and Chain adaptation a ni dawn a, The Rock leh Emily Blunt-te hi he film character tur Mallory leh Edgar Bulson lemah an chang dawn a, nupa angin an chang dun ang.