ANTHUR (CHHIMBAWNG)

Anthur (Chhimbawng) kan tih hi sap tawng chuan Roselle (Hibiscus Sabdariffa) an ti a. Tunlai hi Mizoramah a tam hun lai a ni a, kan taksa tan hian thil tha tak a lo ni reng mai.

Mithiamte chuan eitur hrang hrang an zirnaah anthur hian antioxidants (kan timurte natna laka vengtu) tha ber pawl a ni an ti. Zirnaah chuan anthur tui hi no 3 theuh an mi enkawlte an pe a, chuta an hmuhchhuahah chuan anthur hian BP sang mai tur leh, BP sang nasa lutuk lote tan BP tih hniamna atan a tha em em tih an hmuchhuak. (Serban et al., 2015)

Serban et al., 2015-te zirna pawhin anthur hian BP a chung leh hnuai (systolic leh diastolic blood pressure) tha takin a tihniam tih an sawi bawk. Hei bakah hian zirna thenkhat chuan kan thau tha (HDL) hi a tisang thei a ni tih an hmuchhuak bawk a ni.

Amaherawh chu hei vang hian anthur-ah innghah tawp tur tihna a ni lo a, mithiamten an zir leh zelnaah chuan thlai chauh ring mite hi exer la lo awm awl deuh pawh ni mah se, sa ei mi exer la taima takte ai pawhin an BP a tha zawk a, thau chhia an nei lo a, an hrisel bik a ni tih an hmuchhuak a ni.

Anthur hian manganese a ngah avang­in pawng ei/in chi a ni lo a, ni­khatah a tui fir tha tak hi no 1 a tawk em em a ni. Tin kan ei zawhah amaha thu­rin kan ha a tih chhiat loh nan tuiin kan ka kan tleuh fai thin tur a ni.

H.T Lalruatdiki (Nutritionist)

Human Nutrition &

Dietetic Society of Mizoram