Def Leppard-ten an Anthology lehkhabu hmasa ber tichhuak dawn

English Rock band,1980's tir lama British heavy metal movement chawkchhuaktu nia inchhal, rock’n’roll chanchina huhang ngah berte zinga mi, Def Leppard chuan an band history leh thawnthu ngaihnawn tak takte ziak ngeia dahkhawmna, anthology lehkhabu hmasa ber 'Definitely: The Official Story of Def Leppard' chu an tichhuak.

He lehkhabuah hian an band indin chhoh dan te, band member lo ni tawh Joe Elliott (lead vocals), Steve Clark (guitar), Pete Willis (guitar), Vivian Campbell (guitar leh vocals), Phil Collen (guitar leh vocals), Rick Allen (drums), Tony Kenning (drums) leh Rick Savage (bass leh vocals)-ten an chanchin ngaihnawm tak takte an tarlan bakah, stage pawnlama an chetla lai thlalak la tihchhuah lohte thlenga tarlan a ni. Lehkhabu hi hardback, limited edition signed, collector leh deluxe edition-a tihchhuah an ni.