Ebenezer Inter Branch KTP Beat Contest Lutchhuak band an thiam ber
Champhai Vengthlang Branch KTP-te'n an Branch din champhaphak vawi 60-na Diamond Jubilee an lawmna pakhat atana an buatsaih Mizoram pum huap 'Ebenezer Inter Branch KTP Beat Contest'-ah Lutchhuak band, Chaltlang-te chu pakhatna an ni.
Beat contest hi October ni 24 - 28 October chhung khan neih ani a, Inrinni zan khan result puan a ni.
Final-ah hian Former Glory leh Vengsang Branch-te chuan Realistic Band ho sak 'Van in' tih hla hmangin intihsiakah bul an rawn ṭan a. Former Band hi zan dang angin an zai tha lutuk lo. An khaipa leh an innghahna tia sawi theih an vocalist-in zan dang a pha chiah lo.
A pahnihna-ah Lutchhuak band, Chaltlang Branch-te an rawn zai a, an che ṭha hle. Anni hi zan dang ang bawkin an hmuhnawm leh pek a, pakhatna nih an phu hle.
A tawp khar nan Theophilus, Maubawk Branch-te'n mipui rawn barakhaihin, mipui an rawn chawkhlim hle a ni.
Pakhatna Lutchhuak Band (Chaltlang Branch) hian hian Rs. 50,000 an dawng a, pahnihna Theophilus (Maubawk Branch) hnenah Rs. 20,000 hlan niin, Champhai Vengsang Branch band, Former Glory-te'n Rs. 10,000 an dawng bawk.
Mimal lawmman dawngte :
People's Choice award : Chhinga Veng East Branch
Best Vocalist : Joel vanlalchhuanga, Maubawk Branch
Best Guitarist : Vanlalchhana, Chaltlang Branch
Best Drummer : Samuel Vanlalruata, Chaltang Branch
Most Promising Musician : Gospel Vanlalawmpuia, Thingsulthliah, Tlangnuam Branch
Best Keyboardist : Lalrempuia, Maubawk Branch
Best bassist : Albert Lalduhsaka, Chaltlang Branch