Halloween Haunted House tawp zan

Mizo Dance Camp leh Folkland Park ṭangkawp chuan Halloween Haun­ted House, Folkland Park-ah an buatsaih mek a, zaninah khar a ni ang.

October 26 aṭang khan ṭan a ni a, October 28 thleng awm tura tih a ni. Mahse a tlawhtute lam aṭanga ngenna a tam avangin leh, mi tam zawkin an tlawh theina turin zanin thleng atan an pawtsei a ni. Tlai lam dar thum aṭangin hawn ṭan a ni a, zan dar riat thleng hawn ṭhin a ni.

Mizo Dance Camp hian nikum lam khan Electric Veng-ah Haunted House hi hlawhtling takin an lo buatsaih tawh a, a hlawhtling thawkhat hle. Mipuite'n an hlut avangin kuminah pawh an buatsaih leh a, hmun remchang zawk Folkland Park lamah an buatsaih ve thung a ni.