Assam-in International Film Festiv al thleng

Assam khawpui Guwahati-ah International Film Festival neih mek a ni a, ni ruk chhung a awh dawn a ni.

Film Festival hi kar kalta Inrinni khan ṭan a ni a, a ṭan ni hian Oscar pawh lo dawng tawh ‘The Salesman’ chu chhuah a ni. Festival neih chhung hian ram hrang hrang aṭanga thlan chhuah film 78 chhuah tura ruahman a ni. Festival Director Monita Borgohain chuan film industry lama hmasawnna tura buatsaih an nih thu sawiin, khawvel huap pawha film hlawhtling leh chhuanawm tak tak pholan a ni dawn tih a sawi.

Tun ṭumah hian Switzer­land, Germany, Spain, Argen­tina, Poland, Croatia, Serbia, Belgium, US, Iranian film-te chhuah a ni dawn a, a dang pawh eng emaw zat pholan a ni ang. Chung zingah chuan Turkish film panga a tel.

Festival hi Assam Chief Minister Sarbananda Sonowal chuan a hawng a, Guwahati-in khawvel huap festival a thleng thei chu ropui a tih thu a sawi. Film siam lama tui mite tan chona thar a nih thu sawiin, khawvel huapa inphochhuahna hun ṭha a inhawng zel a ni, a ti.

Festival hi Assam sorkar hnuaia Jyoti Chitraban (Film Studio) Society leh Regional Govern­ment Film and Television Institute ṭangkawpten an buatsaih a ni.