One In Christ album hnuhnung ber tur a chhuak hnai ta

Mizorama gospel band kan neih ṭhat berte zinga mi, One in Christ chuan karleh Thawhṭanni, October 24 hian Pi Zaii Hall (Synod Conference Centre)-ah chawhnu dar 1:30 hian album thar an tlangzarh dawn.

He album-ah hian hla pakua a awm dawn a, hla pariatte hi OiC leader Alvin-a buatsaih niin hla dang pakhat hi Pu PC.Lalneihtluanga (Bawngkawn) phuah a ni thung.

OiC album hmasa ber 'Ka lawm e Lalpa' kha kum 2016 khan an lo tichhuak tawh a, a pahnihna 'Kei kher maw Lalpa' tih chu kum 2019 khan an lo tichhuak tawh bawk. Album siam tura hun leh tha sen a hautak zia ngaihtuahin album pathumna tur hi mipui lei theihin an chhawpchhuak leh dawn a ni. Hei hi album anga an tih chhuah hnuhnung ber tur a ni.

Album-a hlate hi Pendrive 8gb ah dah an ni dawn a, copy khat hi Rs 500 in zawrhchhuah a ni ang. Pre-order theiha siam a ni bawk a ni.