'Midnights' album A hit nghal!

Taylor Swift chuan nimin khan a studio album 10-na, Midnights chu a tichhuak a, Mizorama swiftie-te chuan chhun pachangah zanlai an hmang a ni ber.

Swift hian he album-a a hlaahte hian a mimal nun a phawrhchhuak nasa hle a, "a journey to 13 sleepless nights" a tih angin heng hlate hi zanlai (midnight)-a a ziah vek a ni bawk.

'Midnights' album hi kum 2014-a 1989 album aṭanga a lo thawhpui tawh, Jack Antonoff nen an siam a ni. Antonoff hi album-a hla ṭhenkhatah writing credits neiin, chung zingah chuan album khuhhawnna hla “Lavender Haze,”-hi Hollywood star Zoë Kravitz, Mark Spears, Jahaan Sweet leh Sam Dew-te thawkhoina an siam a ni. Hetih lai hian, “Sweet Nothing” ah a bialpa kum ruk chhung a lo zui tawh, lemchanthiam Joe Alwyn chu credit pek a ni bawk.

Swift hian a lead single leh music video hmasa ber atan, a hla phuah tawh zinga a 'favorite' tiha a sawi “Anti-Hero,” chu a hmang.

Midnights album-ah hian ngaihven zual bik ṭhenkhat a awm, Lana Del Rey nena an thawhdunna hla “Snow On The Beach.” leh “Anti-Hero,” chu Swiftie-te beng titlai zualtu an ni. Karleh Thawhlehni hian Swift chuan a music video pahnihna tur a tichhuak leh dawn a ni.