Apple-in Steph Curry documentary siam dawn

Golden State Warriors point guard Stephen Curry documentary chu Apple Original Films, A24 leh Curry multimedia company, Unanimous Media thawkdunin an siam dawn niin Deadline chuan a tarlang. Report tarlan danin, Emmy winner Peter Nicks ("Homeroom") leh "Black Panther: Wakanda Forever" director Ryan Coogler-ten he project hi an buaipui dawn a ni.

'Underrated' chuan kum 2008-a Davidson College-a NCAA Tournament aṭanga a rawn larchhuah dan bakah NBA title pali an lakchhoh dan zinkawng ngaihnawm leh, NBA Finals MVP trophy hmasa ber a lak dan chungchangte an tarlang dawn a. Curry-an record hrang hrang a rawn khum chhoh dante leh, a basketball game khelh dan danglam takin NBA a thlak nasat ziate tarlan a ni ang.

'Underrated' hi Apple TV+ Original chuan A24 aṭangin an leisak a ni. A24 hian a hmain lemchanthiam hmingthang leh award pawh lo dawng tawh, Val Kilmer documentary "Val" leh zaithiam famta Amy Winehouse documentary "Amy"-te pawh an lo tichhuak tawh a ni.