Thih hnua sum lalut hnem ber Michael Jackson

Michael Jackson chu kum riat liam ta khan a thi a, mahse tun thlengin sum tam tak a la hai lut reng. Forbes chuan Jackson hi thih hnua sum lalut hnem berah a thlang a ni.

Michael Jackson hian a zawnin sum lalut hnem ber nihna hi ṭum nga zet a hauhna a ni a, $mtd 75 zet a lalut a ni. A thih hnu hian a hlaten ngaihlut an hlawh thar leh a, a album-te pawh hralh a kal rem rem hle. Sum tam tak a hailut tawh a, a la hailuh belh zel dawn ni pawhin a lang.

Forbes-in sum lalut hnem a thlan chhuahte hi an hrawl hlawm hle a, an sum lakluh pawh a turu hle. Sum lalut tam zual zingah hian zaithiam an langsar a, Elvis Presley chuan $mtd 35 lalutin, pali-na a ni. Bob Marley chuan $mtd 23 lalutin pangna a ni a, an sum lakluh hi a la tam tham hle.

Hetih lai hian Golf legend Arnold Palmer chu thih hnua sum lalut tam ber pahnihna a ni a, $mtd 40 zet a la lalut hem mai. A hminga Arizona lemonade leh ice tea beverage an siamte chu hralh a kal hle a, a sum lakluhna tam ber pawh a ni. Palmer hi Cartoonist Charles Schulz chuan a dawt a, a sum lakluh hi $mtd 38 zet a tling.

Sum hailut tam zingah hian musician an tam ber a, lekhabu ziaktu lar Dr. Seuss a lan bakah, Albert Einstein-a hming pawh a lang bawk.