Simon Cowell-a'n hma a sawn

Simon Cowell chu a taksa lamah harsatna a tawh avangin X Factor live show-ah inlan thei lo a, mahse tunah chuan a dinhmun a ṭha tawh viau nia tarlan a ni.

Cowell hi London-a a chenna-inah a tlusual palh a, Hospiltal-ah dahluh a ni. Mahse rin aiin a lo insawhna vak lo a niang, inlama enkawl turin a chhuak a, tunah chuan a dam tawh viau a ni awm e.

Kumin atana X Factor live show hmasa ber chu October 19 khan neih a ni a, he hunah hian Cowell hi a inlan thei lo. A awm loh hlan hian judge pathum - Nicole Scherzinger, Louis Walsh leh Sharon Osbourne-te an inlan a, Cowell hian Tv lamah lo thlir ve thung a ni. American recording artist Scherzinger-te an inlan tho avangin thlirtu tan pawh a hrilhhai thlak lutuk hran lo. Hetih rual hian Simon Cowell thlak thei tur khawp an awm miau loh avangin, show en ṭhangte duhthu erawh a samin a rinawm loh.

American Got Talent judge hi kum 58 mi lai a ni ve tawh a, tun hma angin a taksa a chak tawk tawh lo. Cowell chuan, "Tunah chuan ka ṭha leh tawh e, mahse inenkawl deuh ka la ngai a ka lo kir thuai ang. Show-a inlan ka chak tawh a, min lo nghak rawh u" a ti. Cowell hi London-ah a kawppui Lauren Silverman leh an fa kum thum mi Eric-te nen an khawsa mek a ni.