Selena leh The Weeknd inṭhen? JB leh Selena sawi zawm nghal an ni!!!

Khawthlang media-te chuan Selena Gomez leh a kawppui The Weeknd-te chu thla 10 vel chauh an inzui hman tihah, an inṭne niin an tarlang.

American singer Selena Gomez hi tun hnaiah a bialpa hlui Justin Bieber nen an inhnimhnai leh deuh nia tarlan a ni a, hei hi a dik a nih chuan The Weeknd nen an inṭhen pawh hi a mak lo thei. Canadian singer Weeknd nen hian kumin kum tir lam aṭng khan an inzui ṭan chauh a, mahse tunah chuan an inṭenzai an rel leh tawh dawn a nih hmel.

An ṭhian hnaite chuan Selena leh Weeknd-te hi tun hnaiah an inkar a ṭha vak lo niin an sawi a, hmun hranah an khaasa ve ve a ni. Weeknd hi tour neiin a zinkual a, chu tih laiin Selena hi New York-ah shooting neiin a awm. New York lamah hian a bialpa hlui JB-a nen an inzui hmuh a ni a, hetiang a nih tak nuiah avang hian an inkar boruak hi a che zual ta niah a ngaih theih.

BJ leh Selena-te hian renew leh an tum niin an sawi a, Los Angeles-ahte pawh Biak In lam an pan dun niin an sawi. Tun hnai khan Selena chuan an inkarah boruak ṭha a awm zel a duh thu a lo sawi tawh a, hei vang hian an inkarah eng emaw a awm leh niin mi tam tak chuan an ngaih phah bawk.

JB chuan tun hnai khan instagran lamah kum 2014-a an thlakal dun chu a post thar leh a, hmangaihna chu duhthlanna a nih thu te, thu mai ni loa a taka lan chhuah tir a ṭul thute pawh a sawilang chiam a ni awm e.

JB-a leh Selena-te hi kum 2009 khan an intawng a, khatih hun lai khan kum 16 leh 18 mi lek an la ni. Kum 2011 aṭang khan vantang hriatah an inzui ṭan a, kum nga chhung vel an inzui hman. Hun eng emaw chen an inṭhen a, midangte pawh an kawp ve lawp lawp bawk. Mahse tunah chuan hmangaih hmasaah rinawmna thu tiam thar lehin, hringnun zinkawng an zawh leh dawnte pawh a ni ta ve ang.

Selena leh JB-a te sawi zawm an nih leh mek lai hian, Weeknd pawh hi American model che lo zet Bella Hadid nen zawizawm an ni ve mek bawk.