Billboard 200 chart ; Lil Baby album pathumna a hlawhtling

American rapper Lil Baby album 'It’s Only Me' chuan Billboard 200 chart lamah pakhatna dinhmun rawn hauhin, kar liam ta October 20 thleng khan equivalent album unit 2,16,000 zet a hralhchhuak a, number 1 album pathum a neihna chiah a ni.

Lil Baby hian a album hmasa pahnih, 'The Voice of the Heroes' (2021) leh My Turn (2020)-te chu chart-ah hian pakhatna a lo nihpui tawh bawk. A album hnuhnung zawk phei chu kum 2020 chhunga album lar berah Luminate chuan a thlang.

Red Hot Chili Peppers leh The 1975-te pawh an rawn lang e
Kumina Red Hot Chili Peppers album pahnihna leh top 10 chart-a album lang thei 10-na ni bawk, 'Return of the Dream Canteen' chuan equivalent album unit 63,000 hralhin pathumnaah a awm a, The 1975 studio album pangana 'Being Funny in a Foreign Language' chuan equivalent album unit 32,000 hralhin pasarihnaah a rawn inhlangkai bawk a ni.

Bad Bunny album hit 'Un Verano Sin Ti' chuan equivalent album unit 72,000 hralh lehin, pahnihnaah a la inhamtang a ni. Morgan Wallen-a chart-topping album 'Dangerous: The Double Album' (equivalent album unit 45,000) chuan a dinhmun ngai rawn luahin palinaah a awm a, The Weeknd 'The Highlights' (equivalent album unit 40,000) chuan top 5 hi a khar.