Jeffrey Dahmer-a pa in Netflix lakah thubuai thehluh tum

American serial killer Jeffrey Dahmer-a pa Lionel Dahmer chuan Netflix-in a fapa chanchin behchhana series an siam dan chungchangah lungawi loin, a fapa tualthahdan chu a nihna baka uar zawka an tarlan avangin an lakah thubuai thehluh a tum niin report ṭhenkhat chuan a tarlang.

Kum 86 mi Lionel hi series an siam chhung zawngin hriattirna a dawn loh avangin a lungawi lo hle. A phalna pawh la hmasa loa Jeffrey Dahmer docuseries-ah a fapa tape recording, "Conversations with a Killer: The Jeffrey Dahmer Tapes" an chhuahchhawn avangin khin a tum a ni.

"Dahmer Monster: The Jeffrey Dahmer Story" hi serial killer Jeffrey Dahmer chanchin behchhana siam a ni a, kum 1978 leh 1991 inkar khan mi 17 zet nunna a laksak. Kum 1994 khan Portage, Wisconsin-a Columbia Correctional Institution-a an tan laiin a tanpui Christopher Scarver kut tuarin a boral a ni.

Thil thleng tak tak behchhana siam a nih vang hian a hlawhtling hle a, Netflix series zingah hlawhtling ber dawttu niin, a hmaah 'Stranger Things' chiah a awm tawh.