Billboard Hot 100 Sam Smith ft Kim Petras ‘Unholy’ a che na

Billboard Hot 100 chart thar berah Grammy, BRIT, Golden Globe, leh Oscar chawimawite pawh lo dawng tawh, Sam Smith leh Kim Petras hla "Unholy" chu pakhatna a ni.

Capitol Records-in September 22-a an tihchhuah aṭanga a kar linaah Hot 100 chart chung berah a rawn inhlangkai thei a ni. He hla hi kum 2023, January 27-a tihchhuah tur Sam Smith-a studio album palina 'Gloria' ami leh a lead single a ni.

Chart dangah pawh Unholy bawk
“Unholy” hian Billboard Global 200, Streaming Songs, leh Digital Song Sales charts-ah pakhatna a hauh fai vek a, UK Official Singles Chart-ah a zawnin kar li chhung pakhatna a ni tawh. Khawvel pum huapin stream mtd 300 chuang a nei tawh a, Apple Music leh Spotify-ah pakhatna a hauh mek bawk.

Release aṭanga darkar 24 chhungin Spotify-a 'Top 10 Spotify debuts of all time'-ah a inhlangkai nghal a, Universal Music Group tan kuminah streaming debut lian ber thlentu a ni bawk a ni.

'Stay with me' aṭanga Mizote hriat, British pop star hian April 12, 2023 aṭangin UK leh Europe khawmualpuiah Gloria tour a nei dawn a, Sheffield-ah a ṭan dawn a ni.

Billboard Hot 100 Top 10
1. Unholy - SAM SMITH & Kim Petras
2. Bad Habit - SteveLacy
3. As It Was - Harry Styles
4. California Breeze - Lil Baby
5. I Like You - Post Malone feat. Doja Cat
6. I Ain't Worried - OneRepublic
7. You Proof - MorganWallen
8. Forever - LilBaby ft. Fridayy
9. Super Freaky Girl - Nicki Minaj
10. Real Spill - LilBaby