'Will & Grace' star Leslie Jordan car chetsualnaah a thi

“Will & Grace,” “American Horror Story” leh “Hearts Afire,” aṭanga mite hriat, ziakmi leh zaithiam ni bawk, Emmy chawimawina pawh lo dawng tawh, Leslie Jordan chu Thawhṭanni khan car accident vangin a thi. A thih hian kum 67 mi a ni.

Jordan hian Thawhṭanni zing khan Hollywood-ah lirthei a khalh laiin Cahuenga Blvd. leh Romaine St-a building chu su in, a hnuah a boral zui a ni. Jordan hian lemchan khawvelah sulhnu tamtak a hnutchhiah tawh a, “The Help” “The Cool Kids” leh “Call Me Kat,” ah te a inlan tawh bawk. Kum 2006 khan comedy series “Will & Grace,”-a a chan thiam em avangin Emmy Award-te hial a lo dawng tawh a ni. Heng bakah hian television show ṭhahnem takah a lo inlan tawh bawk.

Hripui len lai, kum 2020 khan social media lamah mipui tihhlimna hawi zawng video a tarlan ṭhin avangin Instagram-ah pawh followers a neih tam phah hle.